S’ka fitore, 4 ndeshje pa triumf për Lirinë

Liria nuk ka arritur të fitojë as sot. Përkundër se qëndron në krye të klasifikimit të Ligës së Parë, skuadra e drejtuar nga Samuel Nikaj, ka vazhduar me rezultate jo të mira, duke mos shënuar fitore as në përballjen e katërt radhazi.

Liria ka barazuar me Vëllaznimin e Gjakovës sot 1-1 në Përparim Thaqi, ku këta të fundit janë të renditur në pozitën e fundit në tabelë të Ligës së Parë!

TABELA AKTUALE

Golin për Lirinë e ka shënuar Jurgen Gjini, ndërsa për Vëllaznimin Besmir Fetahu, për të ndarë pikët në fund të ndeshjes, me 1-1.

E Liria, qëndron e para në tabelë vetëm falë gabimeve të kundërshtarëve dhe golaverazhit, pasi që tashmë 3 ekipet e para në klasifikim kanë pikë të njëjta, 22. Vëllaznimi ndërkaq është në krizë të thellë, të paparë në vitet e pasluftës, pasi që është e fundit në Ligë të Parë, pa fitore ende dhe me rrezik për rënie në Ligë të Dytë të Kosovës.