E shtata e Manajt mjaftoi për 3 pikë

Sulmuesi i ri i Trepçës’89, Arb Manaj, është treguar përsëri vendimtar për skuadrën e tij. Ai ka shënuar golin e shtatë të stinorit sot, ndërsa i ka sjellë fitoren ekipit të drejtuar nga Shpëtim Idrizi, që tashmë rrin në hap të mirë me pjesën e epërme të tabelës.

‘89-shi ka mposhtur Vushtrrinë në Riza Lushta, në momentin kur Manaj shënoi 5 minuta para fundit të pjesës së parë. Ai shfrytëzoi një moment jokoncentrimi në mbrojtjen mysafire për të qëlluar rrjetën e portierit Tahiri për 1-0 (40’).

TABELA AKTUALE

Ndeshja nuk është se ka pasur shumë raste, ndërsa vushtrriasit u treguan shterp sot, para se mitrovicasit të ndezin edhe njëherë motorët në minutat e fundit të ndeshjes kur tentuan me Gëzim Rusin (85’) dhe me Manajn (90’) - por që mbrojtja mysafire reagoi mirë.

Vushtrria prej minutës së 65-të të ndeshjes luajti me një lojtar më pak, pasi që futbollisti i tyre Ledjon Muçaj u ndëshkua me karton të kuq nga referi Tefik Maloku, që ishte kryesor sot.

TABELA AKTUALE

Fitorja e Trepçës’89 mban ekipin e Idrizit në pjesën e epërme të tabelës, që tashmë ka krijuar një vijë të mirë ndarëse prej asaj të poshtme. Në anën tjetër, Vushtrria, që tash, duhet të konsolidohet mirë e mirë, pasi që katërshja e fundit e tabelës së klasifikimit, duket se vështirë do të ketë mbijetesën në Superligë.

‘89-shi i shkon Drenicës në xhiron e ardhshme, ndërsa Vushtrria pret njërën nga ekipet më në formë të Superligës këtë sezon, Gjilanin në Ferki Aliu.

FORMACIONET STARTUESE: