GJERMANIA - HOLANDA
VanDijk maestral, Holanda arrin Final Fourin
20 November, 2018 @0:36
Me Holandën, sonte janë kompletuar ekipet pjesëmarrëse në Final Four të parë të Ligës së Kombeve.
Tulipanët përkundër se kanë qenë në disavantazh dygolësh ndaj Gjermanisë së gatshme për fitore në pjesë të parë, janë kthyer në pjesë të dytë dhe me golin e Virgil Van Dijkut kanë siguruar barazimin 2-2 (Timo Werner 9’, Leroy Sane 19’ - Quincy Promes 85’, Virgil Van Dijk 90’) që i ka bërë ata fitues të Grupit 1 të Ligës A të Kombeve duke e lënë Francën pas dhe i kualifikoi holandezët në Final Four.
Final Fouri që do të mbahet në Portugali, do të nxjerr kampionin e parë të Ligës së Kombeve mes këtyre skuadrave: Portugalia, Holanda, Zvicra ose Anglia - që garanton futboll total.
Ndeshjet e Final Fourit do të zhvillohen gjatë qershorit të ardhshëm në Portugali, ndërsa saktësisht gjërat do të kuptohen më 3 dhjetor, kur i zyrtarizon UEFA-ja.
