Shkojmë për fitore

Njëri ndër mesfushorët më kreativ të përfaqësueses së Kosovës, Valon Berisha, në konferencë për media para ndeshjes kundër Azerbajxhanit ka thënë se do të dalin në fushë për fitore dhe se fitorja kundër Maltës e motivoi tërë ekipin.

“Ajo ishte një fitore tejet domethënëse, por jemi të vetëdijshëm për rëndësinë e ndeshjes së nesërme dhe ne po besojmë në fitore.

Mendoj se edhe pse barazimi na kryen punë, ne si futbollist edhe si ekip nuk duhet të mendojmë për barazim, por duhet të shkojmë për fitore. Në fillim të kësaj gare Azerbajxhani është llogaritur favorit i grupit dhe edhe tash për shkak të përvojës mund të llogaritet i tillë, por ne jemi lider dhe fitorja ndaj Maltës na ka dhënë kurajë, luajmë para tifozëve tanë dhe hyjmë për fitore”, ka thënë Berisha.

TABELA AKTUALE

Kosova me 11 pikë të grumbulluara gjendet në krye të Grupit D3, ndërsa ndeshja e fundit e grupit do të luhet nesër në ora 20:45 kundër Azerbajxhanit.