Fitore e Flamurtarit për ngritje në tabelë

Flamurtari ka shënuar edhe një fitore impresive në Superligë, derisa në njërën ndër dyluftimet direkte për mbijetesë ata kanë mposhtur Ferizajin për t’i dhënë vetes krahë mbijetese dhe ngritje në klasifikim.

Kuqezinjtë nga Dragodani mposhtën Ferizajin 3-2 [Shend Kelmendi 42p, 58, Bashkim Shala 50 - Bunjamin Asani 57, Fillonit Shaqiri 85] për t’i marrë tre pikë të reja post-pandemike, pra të dytën në vazhdim të stinorit pas pezullimit disa mujorë.

TABELA AKTUALE

Pjesa e parë e ndeshjes përfundoi 1-0 në të mirë të vendasve, pas penalltisë së ekzektuar suksesshëm nga Shillova (43’). E me fillim të pjesës së dytë Bashkim Shala dha epërsinë që pritej të ishte rehatuese për vendasit 2-0 (50’).

Por ferizajasit s’menduan kështu dhe shënoi Bunjamin Asani për 2-1 (57’). E Flamurtari reagoi menjëherë me Shend Kelmendin për të rikthyer avantazhin dygolësh 3-1 (58’).

Deri në fund, Ferizaji ka arritur të shënojë edhe njëherë, por jo sa për të rrezikuar fitoren e vendasve, për përfundimtaren 3-2 (85’).

Me fitore Flamurtari ngritet në pozitën e shtatë të tabelës për ta kaluar Drenicën në klasifikim, ndërsa Ferizaji mbetet në zonë të rrezikshme me më pak gjasa për shpëtim sesa një xhiro më parë.