Fitorja e parë sezonale për elektricistët

Skuadra e KEK-ut, pas pesë xhirove të zhvilluara ka arritur të shënojë fitoren e parë në Ligë të Parë të Kosovës, prej se ra nga Superliga në stinorin e kaluar.

Elektricistët kanë arritur të shënojë fitore bindëse ndaj Dardanës së Kamenicës sot në Agron Rama të Obiliqit, duke i mposhtur mysafirët 3-0.

TABELA AKTUALE

Dardana pati rast që në fillim të ndeshjes, por portieri i KEK-ut, Behrami shpëtoi portën, për të pasuar goli më vonë.

Ka qenë Ardit Preniqi që me një gol të bukur i dha epërsinë vendasve 1-0 (14’) që ishte edhe rezultati përfundimtar i pjesës së parë të ndeshjes.

Në pjesë të dytë ka qenë Vigan Veliu (54’) që shtoi epërsinë për skuadrën e tij në 2-0, ndërsa Ilir Pollomi vulosi fitoren kur shënoi në portën kundërshtare për 3-0 (63’).

TABELA AKTUALE

Më pas KEK-u mbeti me një lojtar më pak në fushë, pasi që golashënuesi Veliu mori karton të kuq, kurse deri në fund përkundër disavantazhit në lojtarë në fushë, elektricistët qëlluan edhe dy herë shtyllën kundërshtare përmes Pollomit dhe Besart Dushit, por rezultati nuk ndërroi.

Me këtë fitore KEK-u arrin në katër pikë të fituara këtë stinor dhe del nga fundi i tabelës, ndërsa Dardana që është e renditur në katërshen kryesore aktualisht, ka pësuar humbjen e dytë të stinorit debutues të tyre në Ligë të Parë.