Milan zyrtarizon shpresën belge

Para pak çastesh Milan ka zyrtarizuar edhe përforcimin e radhës në skuadër. Ai është belgu i lindur në vitin 1999, Alexis Saelemaekers i cili vjen nga Anderlechti si huazim deri në fund të stinorit 2019/20 me opcion blerjeje, ka bërë të ditur klubi rossoner.

Saelemaekers ka debutuar në ekipin e parë të Anderlechtit më 16 shkurt 2018 dhe ka regjistruar 57 paraqitje e 2 gola të shënuara për ekipin deri dje. Ai është i rregullt në përfaqësuesen U21 të Belgjikës.

Të martën, më 4 shkurt 2020 Alexis do të paraqitet para mediave në konferencë për shtyp si milanist i ri. Ai është mbrojtës, por mund të luajë edhe në mesfushë.