Nga një gol për pjesë, Gjilani mposht Vushtrrinë

Me nga një gol në secilën pjesë, Gjilani arriti që me rezultat 2-0 ta mposhtë sot skuadrën e Vushtrrisë në takimin e luajtur në stadiumin e qytetit në Gjilan.

Përkundër rasteve të shfaqura prej të dyjave skuadrave, ku për t’u veçuar ishte një shtyllë e Bashkim Shalës të mysafirëve në minutën e 21’, i vetmi që e gjeti golin në pjesën e parë ishte Tomislav Busiç i vendasve, i cili për 1-0 shënoi pas asistimit të Bedri Grecës, për ta dërguar Gjilanin me epërsi minimale në pushim.

TABELA AKTUALE

Më pas, gjilanasit e menaxhuan mirë edhe pjesën e dytë, ndërkohë që fitoren e vulosën me golin e Fiton Hajdarit në minutën e 79’ të ndeshjes, gol ky që u shënua pas asistimit të Prognit.

Kështu, Gjilani pas 3 xhirove tubon 6 pikë, kurse Vushtrria mbetet e fundit në klasifikim me vetëm një pikë të mbledhur deri më tash.