Pas 8 xhirosh, Vushtrria i gëzohet fitores

Llapi, sikurse edhe Feronikeli në ndeshjen tjetër të ditës, ka bërë gabim në hapa. Llapjanët e drejtuar nga Tahir Batatina janë mposhtur nga Vushtrria në Ferki Aliu sot, për të bërë hap prapa në luftë për titull kampioni.

Vushtrria në anën tjetër, pas paraqitjes së mirë të bërë në përballjen e xhiros së kaluar me trajnerin e përkohshëm Fitim Llapashtica, sot kanë shënuar fitore dhe atë pas 8 xhirove në Superligë, duke e mposhtur ekipin nga Podujeva me rezultat minimal 1-0.

TABELA AKTUALE

Vendimtar u tregua një goditje e Eri Lamçjës, që shënoi në minutën e 26-të të takimit për fitore. Rast pati edhe Dior Zabërxha, por edhe Nertil Hoxhaj e Qëndrim Gashi.

Në anën tjetër ka tentuar Mentor Zhdrella prej gjuajtjes së lirë, derisa Batatina ndërroi Senad Husicin me Sebino Plakun 5 minuta pa përfunduar pjesa e parë e ndeshjes!

TABELA AKTUALE

Fillimi i pjesës së dytë krejtësisht i takoi Llapit. Tentuan Behar Maliqi, Mërgim Pefqeli ( dy herë) - por goli s’erdhi assesi. Gjatë fundit të ndeshjes Vushtrria pati raste përsëri me Dior Zabërxhën e Qëndrim Gashin, por këta të dytë nuk e qëlluan kornizën e portës për pak.

Fitorja e dytë e stinorit për Vushtrrinë, ngjallë shpresat te ekipi i rikthyer në Superligë për mbijetesë. Derisa goditja që e pësoi Llapi sot, mund t’i kushtojë shumë atyre në luftë për kreun.

Vushtrriasit gjithashtu janë ankuar mjaft në këtë rast, shin videon: