Plani i Barcelonës, e bën PSG-në të mendojë

Një ofertë marramendëse nga Barcelona pritet të shkojë në drejtim të Paris St Germainit, bën të ditur sot Don Balon spanjoll.

Duke ditur problemet e fair-playit financiar që i ka PSG-ja, katalonasit dëshirojnë të shfrytëzojnë mundësinë për të marrë lojtarin më perspektiv të parisienëve, Kylian Mbappe.

PSG është duke menduar që të shesë njërin nga yjet e ekipit dhe më i përfoluri ka qenë braziliani Neymar.

Mirëpo, Barcelona pritet të bëj ofertë prej 150 milionë eurove në drejtim të PSG-së për Mbappen dhe përveç të hollave të dhurojë edhe brazilianin e blerë nga Liverpooli, Philippe Coutinho!

E nëse arrin kjo ofertë, PSG pritet ta shqyrtojë seriozisht, pasi që do të rregullojë “letrat” sa i përket fair-playit financiar të UEFA-së si dhe do të ketë një lojtar me përvojë në pozitën e Mbappes, që mund të kthejë formën që e kishte te Liverpool në Paris.