FERONIKELI - THE NEW SAINTS
S’ka raund të dytë për ekipet kosovare në Ligë të Kampionëve
16 July, 2019 @22:39
Edhe pas tre sezonesh pjesëmarrje në garat evropiane, kampionët e Kosovës nuk kanë arritur të sigurojnë daljen në raundin e dytë kualifikues të Ligës së Kampionëve.
Përkundër se kishte avantazh nga ndeshja e parë me dy gola si mysafir, 2-2, Feronikeli nuk ka arritur të sigurojë as barazim 0-0 e 1-1 për të shkuar tutje dhe për t’i dalë përballë kampionit të Danimarkës, Kobenhavn.
Feronikeli është mposhtur nga The New Saints i Uellsit 0-1 sonte, me një gol të pranuar me kokë nga zëvendësuesi i ekipit mysafir Dean Ebbe (67’), që vendosi epilogun e ndeshjes.
Sa i përket lojës, Feronikeli ka pasur raste shumë më të mëdha sesa TNS-ja sonte në Fadil Vokrri, por asnjë prej tyre nuk rrezikoi seriozisht portën e uellsianëve, që në fund, përmes një krosimi dhe një topi që kaloi tërë mbrojtjen gjeti Ebben që i çoi ata përpara.
Feronikeli tash do të kalojë në raundin e dytë kualifikues të Europa Ligës, ndërsa kundërshtarin e kuptojmë më vonë.