DARDANA 1-1 ULPIANA
Dardana ndalë liderin
28 February, 2021 @15:44
Skuadra e Kamenicës, Dardana, ka arritur që të nxjerr barazim ndaj liderit të Ligës së Parë B, Ulpianës sot.
Vendasit janë treguar arrë e fortë dhe nuk kanë lejuar që mysafirët nga Lipjani të kthehen me fitore në shtëpi, duke ua ndalë nismën e mbarë të pjesës pranverore të stinorit.
Dardana - Ulpiana barazuan sot 1-1 [n.n. - Uran Shala] në një përballje interesante në Kamenicë, ku secili ekip kishte rastet e veta, por në fund, ndanë pikët.
Përkundër barazimit, Ulpiana mbetet lidere e Ligës së Parë B ende, pasi që rivali më i afërm i saj barazoi gjithashtu.
Në anën tjetër, Dardana me këtë pikë ngritet mbi Ramiz Sadikun në renditje, duke kapur për momentin pozitën e shtatë.