FERONIKELI - PRISHTINA
Mendurim Hoti vendos, derbi Niklit
31 August, 2019 @18:01
Në ndeshjen kryesore të xhiros së tretë të Superligës së Kosovës në futboll, Feronikeli ka arritur ta mposhtë me rezultat 1-0 skuadrën e Prishtinës, në një takim që përballë vendosi dy skuadrat më të mira të sezonit të kaluar në Kosovë.
Ndeshja u vendos nga një gol i hershëm i Mendurim Hotit në minutën e 9’, me asnjërën nga skuadrat që nuk arritën ta gjenin rrjetën pas atij momenti.
Me fitoren e arritur sot, Feronikeli pas 3 xhirove tubon 6 pikë në total, kurse Prishtina, që ka një ndeshje më pak të luajtur, mbetet me 1 pikë.
Xhiron e ardhshme, kampioni në fuqi i Kosovës i shkon Dritës, kurse Prishtina e pret Llapin.
