COPA DEL REY
Në sekondat e fundit, eliminohet edhe Barcelona! Kupa e befasive
6 February, 2020 @22:54
Kupa e Mbretit të Spanjës këtë vit do të ketë një fitues befasues, pasi që skuadrat që kanë arritur gjysmfinalen - kanë eliminuar favoritët radhazi.
Pas eliminit të Atletico Madridit më parë, e tash në çerekfinale edhe të Valencias, Villarrealit e Real Madridit - para pak çastesh fati i njëjtë e ka pritur edhe Barcelonën.
Katalonasit janë mposhtur nga baskët në minutën e fundit të ndeshjes, kur në kohën shtesë të ndeshjes Inaki Williams (90+3) ka shënuar për fitore 1-0.
Tash, skuadrat që shkojnë në shortin e gjysmëfinales së Kupës së Mbretit të Spanjës janë: Athletic Bilbao, Granada, Mirandes dhe Real Sociedad. Shorti mbahet të premten, 7 shkurt.
