Nesër zyrtarizohet?!

Juventus ka dhënë sinjalet e para, ndërsa thuajse të gjitha mediat italiane tashmë e quajnë punë të kryer.

Qendërmbrojtësi i jashtëzakonshëm i Ajaxit dhe njëri ndër futbollistët më të kërkuar të afatit kalimtar veror, Matthijs de Ligt pritet të nënshkruajë nesër me bianconerët kampionë.

Marrëveshja me De Ligtin do t’i kushtojë Juventusit 67 milionë euro + 13 milionë tjera në drejtim të Ajaxit si bonuse.

Diamo il via al nostro domani. pic.twitter.com/OOJrH8CAdL

— JuventusFC (@juventusfc) June 30, 2019

Ndërsa vetë futbollisti do të ketë rrogë prej 8 milionë eurosh për stinor dhe 4 milionë euro tjera si bonuse, që janë thënë të jenë lehtë të arritshme, për një total që do të arrij 12 milionëshin në vjet.

Kujtojmë, De Ligt është vetëm 19 vjeç dhe ka lënë mbresa të jashtëzakonshme te ekipi i Ajaxit 2018/19 që fitoi titullin e kampionit të Holandës dhe pati ndeshje të jashtëzakonshme si me Holandën ashtu edhe në Ligë të Kampionëve, ku ekipi nga Amsterdami mori simpatinë e mbarë futbolldashësve duke eliminuar Real Madridin atëherë kampion aktual dhe Juventusin për të arritur gjysmëfinalen e garës.